Тоқыма және жеңіл өнеркәсіп ҒЗИ

Амантаева Алмагүл Құрманғалиқызы

Текстиль және жеңіл өнеркәсіп ғылыми-зерттеу институтының директоры, химия ғылымдарының кандидаты

Телефон: 293 52 95 (ішкі 139)
E-mail: a.amantaeva@atu.edu.kz

Сейтжанова Мақпал Әзизқызы

Ғылыми зерттеулер сарапшысы, доктор PhD

E-mail: makpal_90.90@mail.ru

Текстиль және жеңіл өнеркәсіп ғылыми-зерттеу институты (ТжЖӨ ҒЗИ)

Текстиль және жеңіл өнеркәсіп ғылыми-зерттеу институты (ТжЖӨ ҒЗИ)
«Алматы технологиялық университеті» АҚ-ның 2004 жылы құрылған ғылыми құрылымдық бөлімі болып табылады. ТжЖӨ ҒЗИ қызметінің мақсаты – ғылыми зерттеулерді нәтижелі ұйымдастыру, жүйелік жоспарлау, жоғары білікті кадрлар дайындау. ТжЖӨ ҒЗИ жеңіл және тоқыма өнеркәсібі саласындағы кең ауқымды негізде келесі бағыттар бойынша іргелі және қолданбалы ғылыми зерттеулерді жүзеге асырады:

•   жұмысшылардың еңбек жағдайын зерттеу негізінде қауіпті және зиян өндірістік факторлардан қорғауға арналған әртүрлі қолданыстағы арнайы киімдерді дайындау әдістері;
•   жеңіл өнеркәсіп бұйымдарының дизайн концепциясын дайындау;
•   өртке тұрақты, жылудан қорғайтын, су жұқтырмайтын, май жұқтырмайтын, бактерияға қарсы және т.б. арнайы қасиеттері бар текстиль материалдары мен иірімжіптердің түрлерін дайындау әдістері;
•   тоқылмаған материалдарды алудың инновациялық технологияларын дайындау;
•   текстиль материалдарды әрлеуге арналған суда еритін полимерлер негізінде жаңа текстильді қосымша заттектерді дайындау;
•   трикотаж және иіру өндірістеріндегі ресурс үнемдейтін технологиялар;
азық-түлік емес тауарлар мен бұйымдардың сапасы мен қауіпсіздігі.

2004-2024 жылдар аралығында ТжЖӨ ҒЗИ-ның техникалық негізі құрылды, қазір ол заманауи жабдықтар паркімен, тиісті бағдарламалары бар компьютерлік техникамен, тігін бұйымдарын жобалаудың автоматтандырылған жүйелерімен жабдықталған. Сонымен қатар, арнайы киімге арналған материалдар пакеті арқылы өтетін дыбыс деңгейін өлшеуге мүмкіндік беретін аспаптар мен қондырғыларды, материалдар мен киім пакеттерінің жылудан қорғайтын қасиеттерін анықтауға мүмкіндік беретін қондырғыларды, циклдік әсер ету кезінде материалдардың деформациясын зерттеуге арналған қондырғыларды, киім материалдары пакеттерінің тозуға төзімділігін зерттеуге мүмкіндік беретін қондырғыларды әзірлеу және жобалау бойынша жұмыстар жүргізілуде. ТжЖӨ ҒЗИ ұйымдық құрылымына Тоқыма материалдарының технологиясы және қауіпсіздігі ғылыми-зерттеу зертханасы және Жеңіл өнеркәсібі бұйымдарын жобалау ғылыми-зерттеу зертханасы кіреді.

Тоқыма материалдарының технологиясы және қауіпсіздігі ғылыми-зерттеу зертханасы (ТМТжҚ ҒЗЗ)

Зығыр тұқымдас өсімдіктердің сабақтық бөлігін өңдеу, ірі (тұрпайы) жүнді ешкі жүнін тарау технологиясын жетілдіру, тоқыма материалдарын түрлі қосалқы заттармен әрлеу мақсатында нано- және биотехнологияларды қолдану бағыттарында ғылыми-зерттеу жұмыстарды жүргізеді.

ТМТжҚ ҒЗЗның басым бағыттары:

тоқыма материалдарын өндіру үшін жоғары сапалы талшықтар алу үшін зығыр тұқымдас өсімдіктердің сабақтық бөлігін өңдеу технологиясын әзірлеу;
жүнді алғашқы өңдеуден өткізу үшін ешкі жүнінің мамық бөлігін өңдеу технологиясын әзірлеу;
биоцидті тоқыма қосалқы заттары негізінде тоқыма материалдарын әрлеуге арналған композицияларды әзірлеу;
целлюлозалық материалдарға микробқа қарсы әсер беретін модификациялау әдісін жасау, сол арқылы талшықтардың физика-механикалық және гигиеналық қасиеттерін жақсарту;
тоқыма материалдарына биоцидтік қасиеттер беру мақсатында инновациялық әдісті қолдана отырып модификациялаудың оңтайлы технологиялық параметрлерін әзірлеу;
модификацияланған тоқыма материалдарының физика-механикалық және гигиеналық қасиеттерін зерттеу.

ТМТжҚ ҒЗЗның негізгі жетістіктері: «АТУ» АҚ ғалымдарының жетекшілігімен, тоқыма материалдарының технологиясы және қауіпсіздігі ғылыми-зерттеу зертханасының базасында жүргізілген ғылыми зерттеулердің нәтижелері бойынша, келесі ғылыми-зерттеу жұмыстары орындалды:

«Қазақстанда зығыр тұқымдас өсімдіктердің сабақтық бөлігін өңдеу технологиясын әзірлеу»;
«Республикада ешкі жүнінен мамық жүнді қолмен және механикаландырылған әдіспен ажыратудың дәстүрлі әдісін, бұрын сыналған технологиясын жетілдіру»;
«Биоцидті тоқыма қосалқы заттарын пайдалана отырып, тоқыма материалдарын әрлеудің инновациялық технологиясын әзірлеу».

Жеңіл өнеркәсібі бұйымдарын жобалау ғылыми-зерттеу зертханасы (ЖӨБЖ ҒЗЗ)

Әлеуметтік, экономикалық, эксплуатациялық және гигиеналық ерекшеліктерін ескере отырып, мектеп киімін жобалау саласында ғылыми-зерттеу жұмыстарын жүргізеді; өтпелі-маусымдық және қыс кезеңіне киуге арналған, металлургтерге арнайы киім үлгілерінің топтамаларын әзәрлейд; күйік және онкологиялық науқастарға арналған инновациялық материалдардан жасалған киім кешендерін жасайды.

ЖӨБЖ ҒЗЗ басым бағыттары:

техникалық және эргономикалық стандарттарға сәйкес келетін мектеп киімдерін өндіру бойынша жобалық шешімдерді әзірлеу;
жұмыс киімінің сыртқы түріне әсер ететін факторларды және осы ассортименттің дизайнына анықталған талаптарды ескере отырып, металл өңдеушілерге арналған жұмыс киімдерінің топтамасын әзірлеу;
арнайы мақсаттағы киімдерді түпкілікті жобалау процесі мен өндірісінің технологиясын әзірлеу;
арнайы күштердің жеке құрамының жасағына киім жобалау процесін жетілдіру;
пайдалану жағдайларын талдау және физика-механикалық зерттеулер негізінде арнайы күштердің жеке құрамы үшін киім пакетін әзірлеу;
өндірілетін өнімдердің ассортиментін кеңейту мақсатында күйік және онкологиялық науқастарға арналған инновациялық материалдардан жасалған киім кешендерін әзірлеу.

ЖӨБЖ ҒЗЗ негізгі жетістіктері: «АТУ» АҚ ғалымдарының жетекшілігімен жүргізілген ғылыми зерттеулердің нәтижелері бойынша, жеңіл өнеркәсібі бұйымдарын жобалау ғылыми-зерттеу зертханасының негізінде, келесі ғылыми-зерттеу жұмыстары орындалды:

«Инновациялық материалдардан арнайы мақсаттағы киімдерді жобалау процесін жетілдіру»;
«Отандық шикізатты пайдалана отырып, әскери киімдерді өндіруде жаңа технологияларды енгізу».

Тоқыма және жеңіл өнеркәсіп ҒЗИ

Галерея

Жүктеу файлдары